Они учились у наc

О5о саас кэрэ кэмнэрэ

Мин, Дмитриева (Егорова) Надежда Георгиевна Yehээ Бyлyy а5ыс кылаастаах оскуолатыгар 1966 с. киирбитим. Дьонум Мэнэ-Ханаластан кeheн кэлбиттэрэ, оччолорго бала5ан ыйын 12 кyнyгэр теплоходунан кэлбиппит, оннук Бyлyy eрyс ол кэмнэ уута элбэх этэ.

Оскуола сана, икки этажтаа5а, киирээккин кытта биир eттyгэр тыатаа5ы, иккис eттyгэр тайах тураллара билигин да харахпар бу баар курдук.

Галина Андреевна Судинова классоводтуур кылааhыгар yeрэнэн барбытым уонна yс сыл бу оскуола5а yeрэмиппин олус кyндyтyк саныыбын.

Бу оскуола элбэххэ миигин yeрэппитэ: Галина Андреевна курдук чахчы билиилээх, онтун о5о5о тиэрдэр учуутал нуучча тылын yeрэтэн мин олохпор, yлэбэр араас омуктары кытта холкутук санарарбар, суруксуттуурбар, улахан аудитория5а тахсарбар улахан кeмeлeeх. Татьяна Семеновна Емельянова саха тылын таптыырга, сахалыы грамотно суруйарга, хоhуйан-айан этэргэ уhуйбута, оскуола5а сылдьан суруйбут хоhооннорум хаhыакка бэчээттэммиттэрэ, билигин саныахха, кэрэ. Сергей Николаевич Кетехов, директорбыт, история кружогун ыытара, комсомолга киирэргэ бэлэмниирэ, оччолорго 14 саастан ылар этилэр, ону миигин 13 сааспар киллэттэрбитэ уонна общественнай yлэ5э уhуйбута, ол курдук, кылаас староста, пионерскай этэрээт председателэ, оскуола комсомольскай бюротын чилиэнинэн талылла сылдьыбытым. Оскуола пионерскай баhаатайа Анастасия (Гаврильевна, ред.) Егорова улахан активнай yлэни ыытара, баай кабинеттаах, музейдаах этибит, "Бэлэм Буол" хаhыакка пионерскай yлэ5э сектор буоламмын, кини кeмeтyнэн элбэхтик статья суруйар этим.

Бу икки учууталым мин инники олохпор хайысха биэрэннэр, комсомол, партия, советскай строительство араас хайысхаларыгар yлэлээн кэллим, ол курдук, комсомол обкомун чилиэнэ буоларбар, республика госпланыгар, билигин Дьокуускай куорат улахан управлениетыгар отдел начальнигынан yлэлиирбэр кeмeлeрe-иитиилэрэ улахан.

О5о саас кэрэ кэмнэрэ манна ааспыттара: Бyлyy Хотун памятнигын онороллоругар, учууталбыт Крылатов биhигини yлэлэтэн, сyдy айымньы хайдах айыллыбытын кeрe-истэ сырытыннарбыта, билигин саныахха, олус yчyгэй, пионер кyннэрин костердара, Маркс отделениетын фермаларыгар концертарбыт, уот барда5ына оскуола иhигэр Герасимова Валя кэпсиир кутталлаах сэhэннэрэ.

Биhиги оскуолабыт сана улахан заллаах буолан, спортивнай куоталаhыылар, биэчэрдэр элбэхтик буолааччылар. 7-8 кылаас о5олоро, улахан дьон курдук, тэннэ директорбытын кытта сyбэлэhэн элбэх мероприятиены ыытарбыт: Маркс кулуубугар шефтээх буолан сана дьыллаа5ы биэчэри ыытарга кeмeлeheн, хата биhиги сарсыарда 4 чааска дылы сылдьарбыт. Сайын окко, кyhyн хортуоска5а yлэлиирбит, онон Yeдyгэй сирин-уотун, yксyн ити нэhилиэк о5олорун кытта бииргэ yeрэнэн, онтон Yeдyгэй совхозка, сельсоветка yлэлээн, норуот этэринии, Маркс тeрeeбyт дойдум курдук буолла.

Эт-хаан eттyнэн сайдарга, доруобай буоларга Ульяна Тимофеевна Барахова эрчийбитэ, волейбол, баскетбол, хайыhар курдук хайысхаларга уhуйбута.

Биhиги оскуолабытыгар барыта yчyгэй, барыта баар этэ: о5ону eйдeehyн, yeрэтии, yчyгэй сыhыан, инникини кeрeehyн - ол дьоhун учууталлар баар буолан, музей, буфет, медпункт, кабинеттар, араас кружоктар, секциялар - ол сатабыллаах салайааччы баар буолан. Оскуола эдэр, инникилээх, онон сана дьиэлэнэн 50-100 сааhыгар юбилейдары тэрийдин!

Надежда ЕГОРОВА (ДМИТРИЕВА), оскуола 1969 с. выпускницата

Оскуола комсомольскай тэрилтэтин секретардара

1964-65 yeрэх дьылыгар 25-26 буолан сана аhыллыбыт оскуола5а классоводпутунаан баран yeрэммиппит. Классоводпут Томская Люция Георгиевна нуучча тылын yeрэтэрэ. Мин Люция Георгиевна туhунан сылаас ба5айытык саныыбын уонна хайдах эрэ eйдeeбeт, eсeheр кэмнээх этибит, быhыыта. Ол эрээри кини сатабыллаах салайыытынан биир сылы сэргэх ба5айытык атаарбыппыт. Улахан кылаас о5олоро буолан, классоводпут кeмeтyнэн, дьуhуурустубаны, сынньалан биэчэрдэрин, комсомольскай yлэни иилээн-са5алаан кыстаабыппыт.

Мин комсомольскай тэрилтэ секретарын солбуйааччытынан yлэлээбитим. Сергей Николаевич историяны yeрэтэрэ уонна сана тэриллибит комсомол группатыгар кeмeлeheрe. Кини биhиэхэ биир кирилиэс анныгар баар хоhу анаабыта. Онно биhиги, комсомолецтар, Михайлова Марфалыын стендэ онорбуппут, мунньахтары ыытарбыт, комсомолга о5олору ыларбыт. Миэхэ ол сыл улахан кeмeлee5e - о5олору кытта yлэлииргэ yeрэммитим.

Сана оскуола5а yeрэммит сылбытыгар бары да син тугу эрэ сатыыр курдукпут. Бокуонньук Павлов Юра радиоузелтан тахсыбакка yлэлиирэ. Российскай Федерация yтyeлээх библиотекара Карадчина Каля билигин экономист Павлова Марусялыын сана муодунай пластинка булаллара уонна yнкyyгэ yeрэтэллэрэ. Еттянова Рая, Золотарева Нина математика куруhуогар сылдьаллара. Кинилэргэ учууталлара Егор Николаевич Алексеев кыра кылаастарга уруок ыыттарара.

Аны eйдeeтeххe, оччотоо5у педколлектив улахан yлэни ыытан, оскуола атын оскуолалартан туох да итэ5эhэ суох оформлениелаа5а, элбэх кабинеттардаа5а, ырааhа. Онтон мастерскойа… Сана мас, клей сыта, станоктар тыастара… Наhаа кэрэ этэ барыта. Биир сыл элбэ5и биэртэ биhиэхэ, восьмилетка бастакы yeрэнээччилэригэр. Eйeeн, итэ5эйэн, ииппит-такайбыт учууталларбытыгар махталбыт сyнкэ улахан.

Федорова Роза Дмитриевна, оскуола 1965 с. выпускнига, нуучча тылын уонна литературатын учуутала