Они учились у наc
Куруук субэ-ама буолара
Мин бу оскуола5а 1968-1972 сс. yeрэммитим. Классоводум Татьяна Семеновна Емельянова этэ. Бу оскуола5а yeрэммит сылларбын наhаа yчyгэйдик саныыбын. Ол курдук, сyрдээх билиилээх, о5о5о истин сыhыаннаах учууталлар yeрэппиттэрэ, ииппиттэрэ.
Оскуола директора Сергей Николаевич Кетехов история уруогун биэрэрэ. Сурдээх сымна5ас киhи этэ. О5олорго истинник сыhыаннаhар, билиини да биэрэр учууталлар баар этилэр: Галина Андреевна Судинова, Николай Дмитриевич Васильев, Татьяна Семеновна, Гаврил Ксенофонтович Аммосов, Петр Федорович Гольдеров.
Классоводпут Татьяна Семеновна биhиэхэ куруук субэ-ама буолара. Хаhан да5аны о5ону улаханнык ме5ерун ейдеебуппун.
Биhиги уерэнэр кэмнэрбитигэр о5олор да сэмэй буолар этибит. Саас аайы походтуур буоларбыт. Пионер кунугэр тыа5а тахсан костер отторбут, куоталаhарбыт, оонньуурбут. Учууталларбыт биhигини кытта тэннэ оонньоhоллоро, куоталаhаллара. (Ред.) Раиса Дмитриевна туерт о5ото бу оскуола5а уерэммиттэрэ.
Ахтыыны суруйда МИХАЙЛОВА (БИЛЛИГИРЯНОВА) Раиса Дмитриевна, оскуола 1972 с. выпускницата
Ойор куннээх о5о сааспыт биhигэ
Мин 1967-1974 сс. Yehээ Бyлyyтээ5и а5ыс кылаастаах оскуола5а yeрэммитим. Директорбыт Кетехов Сергей Николаевич, завуhунан Васильев Николай Дмитриевич yлэлээбиттэрэ.
Бастакы учууталым Афанасьева Мария Ивановна. Кини биhигини yчyгэйдик аа5арга, суруйарга, суоттуурга yeрэппитэ. Мин тyргэнник оонньуу охсоору, дьиэ5э yлэбин сыыhа-халты толорон, аа5ыыбын аахпакка тиийэн, уруок кэннэ хаалларан yeрэтэн, кэhэйэн - ити привычкабын быра5ан - кылааска "хорошистар" ахсааннарыгар киирбитим.
IV кылааска Егорова Ася Егоровна yeрэппитэ. V кылаастан VIII дылы классоводунан Судинова Галина Андреевна yлэлээбитэ уонна нучча тылын, литературатын yeрэппитэ.
Биhигини yeрэппиттэрэ: Емельянова Татьяна Семеновна, Софронова Маргарита Дмитриевна, Гольдеров Петр Федорович, Чернобровкина Людмила Александровна, Аммосов Гаврил Ксенофонтович, Барахова Ульяна Тимофеевна, Докторова Людмила Никитична, Потапова Валентина Афанасьевна, Козлова Евдокия Николаевна, Кетехов Сергей Николаевич, Иванов Лазарь Филиппович.
Саха тыла - ыарахан уруоктартан биирдэстэрэ, билигин да Татьяна Семеновна: "Туохтуур, кэпсиирэ, сыhыарыы, да5ааhын аат", - диэн этэрин истэр курдукпун.
Химия5а чин билиини биэрбит Лазарь Филипповичка махтанабын, мед.училище5а yeрэнэр кэммэр химия5а улаханнык ыарыр5аппата5ым.
Аммосов Гаврил Ксенофонтович биология5а yeрэппитэ. Биhиги yeрэнэр кэммитигэр пришкольнай учаастак баар этэ, биологическай кружокка сылдьан рассада олордон, кeрyy-истии тyбyгэр тyhэрбит. Ол биэрбит билиитэ, интэриэhэ билигин да сyппэккэ - о5уруот аhын, сибэккини олордорбун сeбyлyyбyн.
Cyyрyyлээх-кeтyyлээх физкультура уруогун наhаа сeбyлyyр уонна легкай атлетика5а сылдьарбын ордорор этим. Барахова Ульяна Тимофеевна салалтатынан кyhyн-саас хайыhар, сyyрyy, кыhын баскетбол, гимнастика секциялара yлэлииллэрэ. Ульяна Тимофеевна о5олорун, дьиэтин умнан туран биhигини эрчийэрэ, тэннэ сылдьыhара. Ол сылларга а5ыс кылаастаах оскуола спортсменнара инники кyeннэ сылдьыбыппыт.
О5о сааhым саамай умнуллубат тyгэнэ: "Москва - Ленинград" маршрутунан экскурсия5а 15 о5ону Софронова Маргарита Дмитриевна ийэлии кeрeн-истэн илдьэ сылдьыбыта.
Тыа о5олоро телевизор диэни Якутскайга кeрбyппyт. Москва5а, Ленинградка - ВДНХ-5а, зоопарка5а, музейдарга, Петропавловскай кириэппэскэ, Эрмитажка сылдьыбыппыт.
Пионерскай формалаах экскурсия5а сырыттахпытына москвичтар хантан сылдьарбытын ыйыталаhаллар этэ, Саха сирин туhунан улахан билиилэрэ суох этэ: тымныы, алмаас сиргэ ыhылларын, эhэлэр, бeрeлeр дэриэбинэ5э хаама сылдьалларын курдук саныыр этилэр уонна нууччалыы yчyгэйдик санарарбытыттан соhуйаллара.
Биhигини кытта yeрэммит о5олортон билигин: врачтарынан yлэлии сылдьаллар -Петрова Галина Егоровна, Алексеев Михаил Иннокентьевич, анал медицинскэй yeрэхтээх - балыыhа главнай медсиэстэрэтинэн - Слюгрова Татьяна Васильевна, инженер идэлээх Томскай уобалас Стрежевой куоратыгар олорор Павлова Светлана Афанасьевна, НПО "Фтизиатрия" старшай медсиэстэрэтэ Ильина Галина Васильевна, тыа хаhаайыстыбатын министрин солбуйааччы Александров Александр, ЯГСХА ректора Владимиров Леонид.
Биир инникигэ эрэллээх о5обут Иванов-Каменев Вася VII кылааска yeрэнэ сылдьан, саас мунурунан ыалдьан eлбyтyн билигин да аhыйабыт. Киhи быhыытынан, целеустремленнайынан биhигиттэн барыбытыттан ордуга. Улахан yeрэхтээх, ученай да буолуон сeп этэ. Ол да иhин буолуо, Васяны кытта yeрэммит о5олор медицинскэй идэни талан, билигин доруобуйа харыстабылыгар yлэлии-хамныы сылдьаллар.
Оскуола … юбилейыгар тиийбэтэхтэрэ хомолтолоох, олохтон эдэр саастарыгар туораабыт о5олорбут: Дмитриева Наташа, Агаев Ваня, Николаев Андрей, Адамов Гай, Семенов Коля. Кинилэр сорохторо о5олоохтор, олорботох олохторун о5олоро олоруохтара, сырдык мeссyeннэрэ биhиги сyрэхпитигэр-санаабытыгар мэлдьи тыыннаах сылдьыа5а.
СИДОРОВА (ВАСИЛЬЕВА) Александра Семеновна, оскуола 1974 с. выпускницата, поликлиника подростковай кабинетын фельдшерэ
Дьолу-соргуну ба5арабын
Оскуола 1965 с. тутуллан yлэ5э киирбитэ. Онно мин 3-с кылааска yeрэнэ киирбитим. Учууталым Мария Ивановна Мачахова-Афанасьева этэ.
Бала5ан ыйын 1 кyнyгэр тиийбиппит, оскуолабыт киэнэ-куона, саната сyрдээх yчyгэй этэ. Онно оскуола директорынан Кетехов Сергей Николаевич ананан yлэлээбитэ.
Бэhис кылааска киирбиппитигэр предметтэри атын-атын учууталлар yeрэтэллэрэ сонун этэ. Саха тылыгар Емельянова Татьяна Семеновна yeрэппитэ. Уруогуттан кыра бириэмэ ордорон биhиги билбэт суруйааччыларбыт олохторун, кинилэр айымньыларын туhунан сyрдээх интэриэhинэйдик кэпсиирэ. Кини уруога буоларын бары кэтэhэр этибит. "Хотугу сулустан" "Кыыс дьыл5ата" диэн сэhэни кэпсээбитин кyн бyгyнyгэр дылы умнубаппын.
Физика5а Егор Николаевич Алексеев yeрэппитэ. Кини шахматистар тустарынан наhаа интэриэhинэйдик кэпсиир этэ. Ол онно аан бастаан Корчной, Спасскай, Михаил Таль, Анатолий Карпов о.д.а. тустарынан билбиппит.
Ырыа уруогар Евгения Иннокентьевна Мин yeрэппитэ. Бэйэтэ наhаа yчyгэйдик баянна, аккордеонна оонньуу-оонньуу ыллыыр этэ. Оскуолаттан иhэн сиэттиhэн баран уулусса устун ыллыы-ыллыы дьиэбитигэр кэлээччибит.
Yлэ уруогар Крылатов Егор Николаевич, ити паарка5а баар "Хотун Бyлyy" монуменын Прокопьев Анисим Григорьевичтыын кини онорсубута. Перемена5а кинилэр ону онороллорун кeрeммyт уруокка хойутуур этибит.
Директорбыт Сергей Николаевич Кетехов биhигини история5а yeрэппитэ. Кини сyрдээх на5ыл, кыра аайы тымта сылдьыбат киhи этэ. Хайа да о5ону ата5астаан, ыhыытаан-хаhыытаан эрэрин кeрбeтe5yм. Буруйу онорбут о5ону тылынан аргыый сэмэлээн, eйдeтeн, тылын ылан быhаарсара. Ол иhин биhиги кyн бyгyннэ диэри кинини сyрдээх ыраастык, истинник саныыбыт.
Черчение уруогар Маргарита Дмитриевна Софронова yeрэппитэ. Кини эмиэ наhаа киэн кe5yстээх, сyрдээх эппиэтинэстээх учуутал этэ. Биhиги, кыргыттар бары, кинилэр курдук буолуохпутун ба5арар этибит. Холобура, Татьяна Семеновна Емельянова, Бессонова Надежда Георгиевна, Агния Васильевна Ефимова, Агния Ивановна Седалищева, Евгения Иннокентьевна Мин, Ульяна Тимофеевна Барахова, Маргарита Дмитриевна Софронова - бары сyрдээх маанытык танналлар этэ. Ол да курдук киhи быhыытынан эмиэ наhаа yчyгэй дьоннор этэ. Барахов школа5а баран да баран кинилэри атын учууталлартан ордук саныыр этибит.
Оскуолабытыгар ол са5ана араас фестиваллар, спортивнай кyрэхтэhиилэр бe,5 буолаллар этэ. Оройуон yрдyнэн биhиги оскуолабыт саамай улахан оскуола буолан, улахан кyрэхтэhиилэр бары манна буолаллар этэ.
Биhиги кылаас оскуола5а буолар мероприятиеларга барыларыгар кыттар этибит. Онон куруук бокуойа суох сылдьар этибит. Спортивнай eттyгэр биhиги кылааска ордук Сидорова (Варламова) Тоня, Ким (Докторова) Ксения, Спиридонов Алексей, Варламов Семен чорбойоллор этэ. Оскуола yрдyнэн комсомольскай секретарбыт Егоров Пана этэ.
Бу оскуола5а yeрэммит, о5о сааhым ааспыт кэмнэрин билигин сyрдээ5ин истинник, кэрэтик, долгуйан туран саныыбын. Оскуолам … юбилейынан сибээстээн yeрэппит учууталларбар, бииргэ yeрэммит о5олорбор уонна билигин yлэлии-хамныы сылдьар учууталларга yлэлэригэр, тус олохторугар бары yчyгэйи, дьолу-соргуну ба5арабын.
НИКОЛАЕВА Анна Васильевна, оскуола 1970 с. выпускнига
