КРИВОШАПКИНА Елизавета Денисовна

Химия, биология учуутала
Педагогическай улэ ветерана
Улэтин стаhа - 33 с.

Ахтыы

Мин 1975-78 уерэх сылларыгар Уеhээ Булуу а5ыс кылаастаах оскуолатыгар химия, биология предметтэрин уерэппитим. Кабинетым мастерской дьиэ5э этэ.

Директорбыт Кетёхов С.Н. улахан хаhаайыстыбанньык этэ, уерэх-иитии боппуруостарын мындырдык, бырыыччыктык завуч Васильев Н.Д. салайара, хонтуруоллуура; иккиэн бэйэ-бэйэлэрин толорсон биэрэр, биир тэн ирдэбиллээх этилэр; ол да иhин буолуо, улэ куестуу оргуйара, коллектив улахан улэhит уонна биир сомо5о этэ.

Партийнай секретарынан Саха АССР утуелээх учуутала Сергеева В.И., пионервожатайынан эдэркээн В.И. Михайлова улэлииллэрэ, пионерскай улэ5э наставнигынан мин подругам (оскуолаттан) А.Г. Егорова, оччолорго история учуутала этэ. Нуучча тылыгар Н.И. Николаева, А.И. Седалищева, А.В. Ефимова, саха тылыгар Т.С. Емельянова, Н.Д. Васильев, математика5а В.М. Потапова, Л.Г. Лазарев, эдэр специалист, таhаарыылаахтык улэлииллэрэ. Начаалынай кылаастарга уксэ эдэр учууталлар Е.Н. Козлова, уерэ5ирии туйгуна, наставниктаах улэлииллэрэ.

Ол сылларга олус ча5ылхай о5олор уерэнэ сылдьыбыттара, ол иhин да буолуо, химия, биология олимпиадаларыгар, лесничество5а биhиги оскуола наар I-кы миэстэни ылара. 7-8 кылаастарга баалларынан личнэй миэстэлэри I, II, III барытын биhиги о5олорбут ылаллара, даже среднэй оскуола 7-8 кылаастарын холбоон туран. Химия, биология призердарынан игирэ Александровалар: Шурата - I, Танята - II, Лия Алексеева, Паша Семенова, Елевара Дудукова, Настя Аммосова, Жулиана Кузьмина, Варя, Инна Слепцовалар, Толя Кырджагасов, Саша Кынатов уо.д.а., "Куех патрульга" лесничество5а Слепцов Саша оройуонна, республика5а I м. ылан, Союзка Уфа5а баран III м. ылан кэлбиттээх.

"Юный химик", "Юный натуралист" диэн кружоктары салайан ыытар этим. О5олор олус интэриэhиргээн ити кружокка дьарыктаналлара. Оскуолабыт таhыгар пришкольнай учаастактаах этибит, сайынны еттугэр онно теплица5а о5урсуу уонна о5уруот аhын ууннэрэн юннаттар бэйэлэрэ атыылаан харчы киллэрэллэрэ, онно учууталлар уочаратынан нэдиэлэнэн дежурстволаан о5олору улэлэтэллэрэ. Билигин оччотоо5у уерэппит о5олорбут угустэрэ урдук уерэхтээх учууталлар, врачтар, т/х, н/х бары салаатын улэhиттэрэ. Лия Алексеева психологическай наука доцена, Саша Кынатов оскуола директора буола ууннулэр.

Бары бииргэ улэлээбит коллегаларбын юбилейгытынан э5эрдэлиибин, ба5арабын тургэн бириэмэ иhигэр сана таас оскуола тутуллуон, аныгыс юбилейы сана оскуола5а керсер курдук. Бэйэ5ит ветераннаргытын хаhан да умнуман!

27.03.1999 с.

ФЕДОТОВ Николай Сергеевич

Оскуола директора

Ахтыы

Ол 1964 сыл бала5ан ыйын 1 кунугэр Уеhээ Булуу селотугар бастакы икки этээстээх мас дьиэ5э ситэтэ суох орто оскуола аhыллыбыта. Онно кэргэним, Агидора Терентьевна Федотова, биология, химия учууталынан орто оскуолаттан тердус сылын учууталлыы кэлбитэ уонна 1967 с. дылы улэлээбитэ.

Оскуола бастакы директорынан Сергей Николаевич Кетёхов, уерэх чааhын сэбиэдиссэйинэн Николай Дмитриевич Васильев улэлэрин са5алаабыттара. Учууталларынан: Саха АССР оскуолаларын Утуелээх учуутала Варвара Ивановна Сергеева, Россия норуотун уерэ5ириитин туйгуннара Мария Спиридоновна Арбыкина, Марфа Варламовна Николаева, Мария Ивановна Афанасьева, Афанасий Поликарпович Мачахов, Галина Андреевна Судинова, Егор Николаевич Алексеев, Валентина Ивановна Федотова о.д.а.

Мин, Федотов Николай Сергеевич, оскуола иккис директорынан ананан 1986-89 сс. улэлээбитим. Оччолорго оскуола5а 350-чэ о5о 18 кылаас комплекка уерэнэллэрэ. Завуhунан Н.Д. Васильев, местком председателинэн К.Ф. Секова улэлээбиттэрэ. Улэлээбит кылгас кэммэр киhи ейугэр-санаатыгар хатанан хаалар улахан ситиhиилэр да, таннары туhуулэр да суохтара. Ол эрэн, тахсыылаахтык улэлээн, учууталлар Мария Степановна Васильева, Валентина Афанасьевна Потапова Россия норуотун уерэ5ириитин туйгуннара буолбуттара.

Оскуола иитэр-уерэтэр улэтин инники куенугэр тахсан, оскуола аатын-суолун араас куоталаhыыларга, олимпиадаларга ере тутуспут учууталларынан буолаллара: Н.И. Николаева, Е.Н. Козлова, Т.С. Емельянова, А.И. Седалищева, Н.А. Платонов, Л.А. Бойлохова о.д.а. Педагогическай улэ5э бэриниилээх, тэрийэр дьо5урдаах А.Н. Бойлохов, Л.Г. Лазарев оччолорго да коллективка биллэр-кестер лидердарынан буолаллара. Ол да иhин кинилэри тэрийэр-салайар улэ5э интэриэстэрин ке5улуу сатыырым, билигин сиппит-хоппут оскуолалар салайааччыларынан улэлииллэриттэн уерэбин. Сэмэй да со5ус буоллар, оскуола ис-тас керунун тупсарыыга, утуену-кэрэни о5олорго инэриигэ маассабай тэрээhиннэри, оформлениелары онорууга улэлэспитим. Кыралаан да буоллар, коллектив тумсуулээх, санааны аhа5астык этиниигэ бастакы хардыылары онорорго ейебулу олохтуу сатыырым, айымньылаахтык улэлиир учууталларга бары еттунэн кууhум кыайарынан ейебул, тирэх буолан кемелеhерум. Итилэр тумуктэригэр, улэлээбитим иккис сылыгар оройуон ситэтэ суох орто оскуолаларын куоталаhыыларыгар бастаан, кеhеруллэ сылдьар Кыhыл Знамяны ылары ситиспиппит, уерэнээччилэр спортка, предметнэй олимпиадаларга, самодеятельноска оройуонна еруу миэстэлэhэр этилэр. Итэ5эс-быhа5ас да ханна барыай, олох - улэ быстыспат аргыhа буолла5а дии.

Ол эрэн, ити кэмнэ улэлээбит коллективпар махталым мунура суох - куус-кеме буолбуттарыгар. Билигин кэргэмминээн пенсионердарбыт, мин кырдьа5астар уонна инбэлииттэр интернат-дьиэлэригэр директордыыбын, Агидора Терентьевна дьиэтин хаhаайыстыбатынан дьарыктанар, сиэннэрин керуугэ-харайыыга кемелеhер. Биэс о5обут бары улэhиттэр, туерт о5о ыал, кэргэннээхтэр, о5олоохтор, Якутскай куоракка олороллор, улэлииллэр. Убулуейунэн сибээстээн, оскуола улэhит коллективыгар чел оло5у, чэгиэн доруобуйаны, айымньылаах улэни, се5уруйбэт телену, дьолу-соргуну ба5арабыт. Сурэххит ба5атын суhуеххут уйуохтун диэн алгыыбыт.

Урдук урдэллэргэ инникигит диэки!!!

06.03.1999 с.